ہماری کہانی اور مشن

جواہر القرآن سلیم خان ضلع صوابی، صوبہ خیبر پختونخواہ پاکستان کا ایک معروف دینی و تعلیمی ادارہ ہے۔

جس کا سنگ بنیاد شوال ۱۴۲۳ھ (۲۰۰۴ء) میں شیخ القرآن مولانا محمد طیب طاہری صاحب، شیخ القرآن والحدیث مولانا غلام حبیب صاحب، شیخ الحدیث والتفسیر مولانا مفتی مسلم صاحب اور شیخ الحدیث والتفسیر مولانا مفتی سراج الدین صاحب کے مبارک ہاتھوں رکھا گیا۔

بعد ازاں جامعہ کی تعمیر نو کا سنگ بنیاد ۱۴۲۷ھ (۲۰۰۷ء) میں شیخ الحدیث والتفسیر علامہ محمد یار بادشاہ صاحب کے دست مبارک سے رکھا گیا اور اس موقع پر شیخ القرآن و شیخ الاسلام علامہ ولی اللہ کابلگرامی صاحب نے خصوصی دعا فرمائی۔

یہ ادارہ وحدت المدارس الاسلامیہ پاکستان کے ساتھ ملحق ہے اور دینی علوم کی اشاعت، قرآن و سنت کی تعلیم اور اصلاح معاشرے کے لیے مسلسل خدمات دے رہا ہے۔ جامعہ میں اس وقت درس نظامی کے ۱۰۰۰ سے زائد طلبہ اور حفظ و ناظرہ کے ۲۰۰ سے زائد طلبہ زیر تعلیم ہیں۔