جامعہ جواہر القرآن

جامعہ جواہر القرآن، سلیم خان، ضلع صوابی، صوبہ خیبر پختونخوا (پاکستان) ایک خالص دینی، تعلیمی اور اصلاحی ادارہ ہے۔ اس مبارک ادارے کی ابتداء آج سے تقریباً ۲۳ سال قبل ایک چھوٹی سی مسجد سے ہوئی، جو بتدریج ترقی کرتے ہوئے آج ایک باقاعدہ جامعہ کی صورت اختیار کر چکی ہے اور دینی تعلیم و تربیت کے میدان میں نمایاں خدمات انجام دے رہا ہے۔ اس جامعہ میں سال بھر تقریباً ۱۵۰۰ طلبہ کرام زیر تعلیم رہتے ہیں، جبکہ دورہ ہائے ترجمہ القرآن کے دوران طلبہ کی تعداد بڑھ کر تقریباً ۴۰۰۰ تک پہنچ جاتی ہے۔ یہاں سے فارغ ہونے والے طلبہ علم دین کے ساتھ ساتھ مشائخ کرام کی دعاؤں اور تربیت سے آراستہ ہو کر دعوتی، اصلاحی اور انقلابی فکر کے ساتھ ملک کے مختلف علاقوں میں پھیل جاتے ہیں اور معاشرے کی دینی و اخلاقی اصلاح میں اپنا کردار ادا کرتے ہیں۔

یہ جامعہ دراصل دارالعلوم دیوبند کی فکر شیخ الہند کی اس مبارک تحریک کا تسلسل ہے جس کا مقصد قرآن و سنت کی تعلیم کو عام کرنا، تزکیۂ نفس کی روح کو زندہ کرنا، اور امت میں اسلامی شعور اور خلافت کے احساس کو بیدار کرنا ہے۔ اس فکر کی بنیاد اس علاقے میں شیخ القرآن علامہ محمد طاہر رحمہ اللہ نے رکھی تھی، جس کی روشنی آج بھی اس ادارے کے تعلیمی اور اصلاحی نظام میں نمایاں طور پر نظر آتی ہے۔